അഴീക്കോട് കോവിഡ് ഫസ്റ്റ് ലൈൻ ട്രീറ്റ്മെന്റ് സെന്ററിന് ദയ ട്രസ്റ്റ് ആംബുലൻസ് കൈമാറിഅഴീക്കോട്: കണ്ണൂരിലെ ജീവകാരുണ്യ പ്രവർത്തനങ്ങളിൽ മുൻനിരയിലുള്ള ദയ ചാരിറ്റബിൾ ട്രസ്റ്റ് അഴീക്കോട് കോവിഡ് ഫസ്റ്റ് ലൈൻ ട്രീറ്റ്മെന്റ് സെന്ററിന് അനുവദിച്ച ആംബുലൻസ്അഴീക്കോട് ഗവ. ഹയർ സെക്കൻഡറി സ്‌കൂളിൽ നടന്ന ചടങ്ങിൽ ദയ മെഡിക്കൽസ് എം.ഡിയും ദയ ട്രസ്റ്റിയുമായ എൻ.കെ. ശ്രീജിത്ത് കണ്ണൂർ ജില്ലാ പഞ്ചായത്ത് പ്രസിഡണ്ട് കെ വി സുമേഷിന് കൈമാറി. തുടർന്ന് ജില്ലാ പഞ്ചായത്ത് പ്രസിഡന്റിൽ നിന്ന് അഴീക്കോട് ഗ്രാമപഞ്ചായത്ത് പ്രസിഡണ്ട് സി പ്രസന്ന ആംബുലൻസ് ഏറ്റുവാങ്ങി.കോവിഡ് ഫസ്റ്റ് ലൈൻ ട്രീറ്റ്മെന്റ് സെന്ററായ അഴീക്കോട് ഗവ. ഹൈസ്‌കൂളിന് ദയ ട്രസ്റ്റ് ആംബുലൻസ് സൗകര്യം ലഭ്യമാക്കുമെന്ന് ബഹുമാനപ്പെട്ട മുഖ്യമന്ത്രി തിരുവനന്തപുരത്ത് വാർത്താസമ്മേളനത്തിൽ പ്രഖ്യാപിച്ചതാണ്. അതിന്റെ ഭാഗമായാണ് ആംബുലൻസ് പഞ്ചായത്ത് പ്രസിഡന്റിന് കൈമാറിയത്.അഴീക്കോട് ചാൽ ശ്രീനാരായണ വായനശാലയുമായി ചേർന്ന് നാട്ടിലെ പ്രവർത്തനങ്ങൾക്ക് നൽകാനിരുന്ന ആംബുലൻസാണ് കോവിഡിന്റെ പ്രത്യേക സാഹചര്യത്തിൽ ഫസ്റ്റ് ലൈൻ ട്രീറ്റ്മെന്റ് സെന്ററിന് നൽകിയിട്ടുള്ളത്. ട്രീറ്റ്മെന്റ് സെന്ററിന്റെ പ്രവർത്തനം അവസാനിക്കും വരെ ട്രീറ്റ്മെന്റ് സെന്ററിലും ഉപയോഗിക്കുകയും തുടർന്ന് ശ്രീനാരായണ വായനശാലയുമായി ബന്ധപ്പെട്ടാണ് ആംബുലൻസിന്റെ സേവനം ഉപയോഗിക്കാനാവുക. ആധുനിക സംവിധാനങ്ങളോടെ പത്തു ലക്ഷം രൂപ ചെലവിട്ടാണ് പാലിയേറ്റീവ് പ്രവർത്തനങ്ങൾ ഉൾപ്പെടെയുള്ള പ്രവർത്തനങ്ങൾക്ക് ട്രസ്റ്റ് ആംബുലൻസ് ഒരുക്കിയത്.ദയ ചാരിറ്റബിൾ ട്രസ്റ്റ് ചെയർമാൻ ഡോ. എൻ.കെ. സൂരജ് അദ്ധ്യക്ഷത വഹിച്ചു. അഴീക്കോട് ഗ്രാമ പഞ്ചായത്ത് ആരോഗ്യ സ്റ്റാന്റിംഗ് കമ്മിറ്റി ചെയർ പേഴ്സൺ കെ.കെ. മിനി, ക്ഷേമകാര്യ സ്റ്റാന്റിംഗ് കമ്മിറ്റി ചെയർമാൻ പി.എ. കുഞ്ഞംസു മാസ്റ്റർ, വാർഡ് മെംബർ ടി.വി. വിജയൻ, അഴീക്കോട് ലൈബ്രറി കൗൺസിൽ നേതൃസമിതി സെക്രട്ടറി മനോഹരൻ തുടങ്ങിയവർ പ്രസംഗിച്ചു.വിവിധ സേവനപ്രവർത്തനങ്ങളിലൂടെ പത്താം വർഷത്തിലേക്ക് കടന്ന സാമൂഹിക പ്രതിബദ്ധതയിൽ ഏറെ മുന്നിട്ടു നിൽക്കുന്ന ദയ ചാരിറ്റബിൾ ട്രസ്റ്റ് നമ്മുടെ നാടിന്റെ അഭിമാനമാണ്. നാടിന്റെ നന്മ മാത്രം ഉദ്ദേശിച്ച് നടപ്പാക്കുന്ന നൂതനവും സവിശേഷവുമായ പ്രവർത്തനങ്ങളിലൂടെയാണ് ഡോ. എൻ.കെ. സൂരജിന്റെ നേതൃത്വത്തിൽ പ്രവർത്തിക്കുന്ന ദയ ട്രസ്റ്റ് മുൻപന്തിയിൽ എത്തിയിട്ടുള്ളതെന്ന് ജില്ലാ പഞ്ചായത്ത് പ്രസിഡന്റ് കെ.വി. സുമേഷ് പറഞ്ഞു.നിരവധി പ്രവർത്തനങ്ങളിലൂടെ അഴീക്കോട് പഞ്ചായത്തിൽ നിറസാന്നിധ്യമായ ദയ ട്രസ്റ്റ് ഒരുപാട് സേവനപ്രവർത്തനങ്ങൾ പഞ്ചായത്തിൽ നടപ്പിലാക്കിയിട്ടുണ്ട്. മഹാമാരി നേരിടുന്നതിനായി ഒരുക്കിയ കോവിഡ് ഫസ്റ്റ് ലൈൻ ട്രീറ്റ്മെന്റ് സെന്ററിന് കൃത്യസമയത്താണ് ആംബുലൻസിന്റെ സേവനം ദയ ട്രസ്റ്റ് അനുവദിച്ചുതന്നിട്ടുള്ളതെന്നും അതിന് ട്രസ്റ്റിനോട് നിറഞ്ഞ നന്ദിയുണ്ടെന്നും പഞ്ചായത്ത് പ്രസിഡന്റ് സി പ്രസന്ന പറഞ്ഞു.ചാൽ ശ്രീ നാരായണ ഗുരുദേവ വിലാസം വായനശാല സെക്രട്ടറി വി. നജീഷ് സ്വാഗതവും ദയ ട്രസ്റ്റ് രക്ഷാധികാരി കെ. രാജേന്ദ്രൻ നന്ദിയും പറഞ്ഞു.ചടങ്ങിൽ ശ്രീനാരായണ വായനശാലാ പ്രവർത്തകരായ പാറക്കുനി ദാമോദരൻ, സുരേശൻ കണിയാങ്കണ്ടി, ദയ ട്രസ്റ്റ് പ്രവർത്തകരായ കെ. സന്തോഷ്, പി.യു സൂരജ്, പി.എം. ഷിജു, എം. പ്രദീപൻ, അൻഷാദ് കരുവൻചാൽ, സന്തോഷ് കുമാർ, ടി.വി. സിജു തുടങ്ങിയവർ പങ്കെടുത്തു.+14
