അഴീക്കോട് ഗ്രാമപഞ്ചായത്തിന്റെ നേതൃത്വത്തില്‍ അഴീക്കോട് മീന്‍കുന്ന് ഗവ: ഹയര്‍ സെക്കന്‍ഡറി സ്‌കൂളില്‍ താത്കാലികമായി ഒരുക്കിയ കോവിഡ്19 ഫസ്റ്റ് ലൈന്‍ ട്രീറ്റ്‌മെന്റ് സെന്ററിലേക്ക് ആവശ്യമായ പാത്രങ്ങള്‍ ദയ ചാരിറ്റബിള്‍ ട്രസ്റ്റ് സംഭാവന ചെയ്തു. ദയ ചാരിറ്റബിള്‍ ട്രസ്റ്റ് രക്ഷാധികാരി കെ. രാജേന്ദ്രന്‍ അഴീക്കോട് ഗ്രാമപഞ്ചായത്ത് പ്രസിഡന്റ് സി. പ്രസന്നയ്ക്ക് പാത്രങ്ങള്‍ കൈമാറി. ചടങ്ങില്‍ ആരോഗ്യ സ്റ്റാന്റിംഗ് കമ്മിറ്റി ചെയര്‍മാന്‍ കെ. രൂപ, വാര്‍ഡ് മെംബര്‍ പി. പ്രവീണ്‍, ദയ ചാരിറ്റബിള്‍ ട്രസ്റ്റ് പ്രവര്‍ത്തകരായ വി. നജീഷ്, പി.യു. സൂരജ്, ടി.വി. സിജു തുടങ്ങിയവര്‍ പങ്കെടുത്തു.
